Шэсць аўтамабіляў сутыкнуліся ў Мінску, адзін з іх вылецеў на сустрэчную і перакуліўся, паведамілі ў сталічнай ДАІ.
Здарэнне адбылося 19 сакавіка каля 11.20 паблізу дома № 32А на вуліцы Прытыцкага. Паводле звестак ДАІ, у выніку невыканання бяспечнай дыстанцыі адбылося сутыкненне Volkswagen, Lada, Ford, Renault і двух Nissan. Ад удару адзін з Nissan вылецеў на паласу сустрэчнага руху і перакуліўся.
У выніку ДТЗ кіроўца і пасажыр перакуленага Nissan атрымалі траўмы і былі дастаўленыя ў бальніцу для абследавання.